C A M E R A T A

F I G A R E L L A

A Camerata Figarella hè un prugettu natu in 2019 chì adunisce musicanti corsi è europei. Quist'annu u festivale di musica di camera si passerà da u 23 à u 27 di settembre, serà a seconda edizione. Ci saranu cuncerti in Santa Maria di Lota, Pigna, Bastia è Brandu.

 

Figarella hè un paese di Capicorsu cù a so storia, i so usi è tradizione ; locu chì porta magia è ispirazione à l'inseme di l'artisti.

I musicanti camperanu è travaglieranu in paese, ci saranu cuncerti gratisi, pruposti à tutti.

 

Ci auguremu, dopu issi mesi frasturnati è nanzu à u foscu di l’avvene, di fà campà una stonda a musica ind’e nostre cumunità.U Festivale si farà ind’u rispettu di e norme sanitaire per chì a salute di tutti è tutte sia priservata.

E maschere sò d'obligu per i cuncerti, saranu dati à u publicu.